काठमाडौं । पछिल्लो २४ घण्टामा देशभर थप १६७ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ४ हजार २८३ पीसीआर परीक्षणमा १५७ जना र २ हजार १६४ एन्टिजेन परीक्षणमा १० जना गरी १६७ जनामा संक्रमण पुष्टि भएको हो ।
पछिल्लो २४ घण्टामा कोरोना संक्रमणका कारण १ जनाको मृत्यु भएको छ भने संक्रमणमुक्त हुनेको संख्या २२६ रहेको छ ।
हाल देशभर कोरोना भाइरसको सक्रिय संक्रमितको संख्या ४ हजार ९७८ रहेको छ ।
संक्रमितमध्ये काठमाडौंमा ६८ जना, ललितपुरका २६ जना र भक्तपुरमा ४ जना रहेका मन्त्रालयले जनाएको छ ।
