काठमाडौं । पछिल्लो २४ घण्टामा देशभर थप २४१ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ६ हजार ८१४ जनाको पीसीआर परीक्षणमा २३५ जना र २ हजार ८३ जनाको एन्टीजेन परीक्षणमा ६ जना गरी २४१ जनामा संक्रमण पुष्टि भएको हो ।
यसैगरी पछिल्लो २४ घण्टामा २२८ जना संक्रमित निको भएर घर फर्किएका छन् ।
आज कोरोनाबाट मृत्यु हुनेको संख्या शून्य रहेको छ भने देशभरी ४ हजार ८७१ जना सक्रिय संक्रमित रहेका मन्त्रालयले जनाएको छ ।
