काठमाडौं । पछिल्लो २४ घण्टामा देशभर थप १४४६ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ८ हजार ९६५ जनाको पीसीआर परीक्षणमा १ हजार ३५७ जना र २ हजार ४६४ एन्टिजेन परीक्षणमा ८९ जना गरी कुल १ हजार ४४६ जनामा संक्रमण पुष्टि भएको हो ।
पछिल्लो २४ घण्टामा २ जनाको मृत्यु भएको छ भने २५५ जना संक्रमणमुक्त भएका छन् ।
यससँगै काठमाडौं उपत्यकामा ८७६ जना कोरोना संक्रमित थपिएका छन् । जस अनुसार काठमाडौंमा ६७५ जना, भक्तपुरमा ६५ जना र ललितपुरमा १३६ जना संक्रमित थपिएका हुन् ।
योसँगै काठमाडौं उपत्यकामा सक्रिय संक्रमितको संख्या ४ हजार १८८ पुगेको मन्त्रालयले जनाएको छ ।
