काठमाडौं। पछिल्लो २४ घण्टामा देशभर थप २,४४४ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १० हजार ६४८ जनाको पीसीआर परीक्षणमा १ हजार ९८१ जना र ४ हजार ३८५ जनाको एन्टिजेन परीक्षणमा ४६३ जना गरी जम्मा २ हजार ४४४ जनामा कोरोना संक्रमण पुष्टि भएको हो ।
पछिल्लो २४ घण्टामा १ जनाको मृत्यु भएको छ भने ३१३ जना संक्रमणमुक्त भएका छन् ।
यससँगै नेपालमा कोरोना संक्रमितको कुल संख्या ९ लाख ३३ हजार ८९४ पुगेको छ भने मृत्यु हुनेको संख्या ११ हजार ६०७ पुग्नुका साथै ८ लाख १४ हजार ७९८ जना संक्रमणमुक्त भएका छन् ।
हाल देशभर सक्रिय संक्रमितको संख्या ९ हजार ५२२ जना रहेका छन् । जसमध्ये ८ हजार ८६७ जना होम आइसोलेसनमा रहेका छन् भने ६५५ जना संस्थागत आइसोलेसनमा रहेका छन् । कोरोनाका बिरामीमध्ये ९३ जना आईसीयू र १९ जना भेन्टिलेटरमा उपचाररत् रहेका मन्त्रालयले जनाएको छ ।
मन्त्रालयका अनुसार सबैभन्दा धेरै काठमाडौंमा ९८० जना, ललितपुरमा २२१ जना र भक्तपुरमा ८५ जनामा कोरोना संक्रमण देखिएको छ।
