काठमाडौं । पछिल्लो २४ घण्टामा देशभर थप ३०७५ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १३ हजार ३६ नमुनाको परीक्षण गर्दा ३ हजार ७५ जनामा कोरोना संक्रमण पुष्टी भएको हो ।
पछिल्लो २४ घण्टामा २ जनाको संक्रमणका कारण मृत्यु भएको छ भने नेपालमा कोरोना संक्रमणका कारण मृत्यु हुनेको संख्या ११ हजार ६९२ पुगेको छ ।
यसैगरी आज २७८ जना संक्रमणमुक्त भएका छन् भने नेपालमा कोरोना सक्रिय संकमितको संख्या ११ हजार ६९० पुगेको मन्त्रालयले जनाएको छ ।
