काठमाडौं । सरकार सञ्चालनमा सहयोग गर्न गठित राजनीतिक समन्वय समितिको बैठक आज पनि बस्ने भएको छ ।
प्रधानमन्त्रीको सरकारी निवास बालुवाटारमा दिउँसो ४ बजे बस्ने बैठक निर्वाचनलगायत विषयमा केन्द्रित हुने बताईएको छ ।
निर्वाचन ऐन संशोधन, तीनै तहका निर्वाचन एकैपटक गर्न सकिन्छ कि सकिँदैन तथा स्थानीय निकायको निर्वाचन पहिला गरेर पछि संसद र प्रदेशसभाको निर्वाचन गर्नेलगायत आजको बैठकका मुख्य एजेण्डा रहेको बताइएको छ ।
