काठमाडौं । पछिल्लो २४ घण्टामा देशभर थप १२ हजार ८ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १८ हजार १०३ नमुनाको पीसीआर परीक्षणमा ९ हजार ४३२ जना र ७ हजार ८०६ नमुनाको एन्टिजेन परीक्षणमा २ हजार ५७६ जनामा संक्रमण पुष्टि भएको हो ।
पछिल्लो २४ घण्टामा ३ हजार ४० जना संक्रमणमुक्त भएका छन् भने हाल देशभरमा ८८ हजार ९३४ सक्रिय संक्रमित छन् ।
यससँगै नेपालमा कोरोना संक्रमितको कूल संख्या १० लाख ४५ हजार ६३४ पुगेको छ ।
यसैगरी पछिल्लो २४ घण्टामा ८ जनाको मृत्यु भएको छ भने हालसम्म कोरोनाबाट मृत्यु हुनेको कूल संख्या ११ हजार ६६७ पुगेको छ ।
हाल देशभर सक्रिय संक्रमितमध्ये ८७ हजार ११७ जना होम आइसोलेसनमा रहेका छन् भने १ हजार ८१७ जना संस्थागत आइसोलेसनमा छन् ।
कोरोनाका बिरामीमध्ये २४५ जना आईसीयू र ४४ जना भेन्टिलेटरमा उपचाररत् रहेका मन्त्रालयले जनाएको छ ।
