काठमाडौँ। नेपालमा पछिल्लो २४ घण्टामा ८ हजार ४५४ जनामा कोरोना भाइरसको सङ्क्रमण पुष्टि भएको छ ।
स्वास्थ्य मन्त्रालयका अनुसार २० हजार ३५९ नमुनाको पीसीआर परीक्षण गर्दा ८ हजार ४५४ जनामा कोरोना भाइरस को सङ्क्रमण पुष्टि भएको हो ।
यो अवधिमा पाँचजनाको संक्रमणका कारण मृत्यु भएको छ । योसँगै नेपालमा कोभिड–१९ का कारण मृत्यु हुनेको संख्या ११ हजार ६७२ पुगेको स्वास्थ्य तथा जनसंख्या मन्त्रालयले बुधबार जनाएको छ ।
त्यस्तै, सोही समयमा थप ४ हजार ४३३ जना कोरोना सङ्क्रमण मुक्त भएका छन् ।
