काठमाडौ। पछिल्लो २४ घण्टामा देशभर कोरोना संक्रमितको संख्या घटेर १ हजार भन्दा तल झरेको छ ।
स्वास्थ्य तथा जनसंख्या मन्त्रालयका अनुसार ४ हजार २६० पीसीआर परीक्षणमा ४९१ जना र २ हजार ३९४ एन्टिजेन परीक्षणमा ३४५ जना गरी ८३६ जनामा संक्रमण पुष्टि भएको हो ।
पछिल्लो २४ घण्टामा कोरोना संक्रमणका कारण ४ जनाले ज्यान गुमाएका छन् भने १ हजार ८२६ जना संक्रमणमुक्त भएका छन् ।
हाल देशभर कोरोना भाइरसको सक्रिय संक्रमितको संख्या २६ हजार १०२ रहेको छ ।
यसैगरी पछिल्लो २४ घण्टामा काठमाडौंमा १६६ जना, ललितपुरमा ३१ जना र भक्तपुरमा १० जना संक्रमित भेटिएका मन्त्रालयले जनाएको छ ।
