काठमाडौं । संघीय संसद प्रतिनिधि सभाको बैठक आज बस्दै छ । बैठक दिउँसो १ बजे बस्न लागेको हो ।
बैठकका कार्यसूची तय गर्न सभामुख अग्नि सापकोटाले बिहान साढे ११ बजे कार्यव्यवस्था परामर्श समितिको बैठक बोलाएका छन् ।
आजको बैठकमा अमेरिकी सहयोग परियोजना एमसीसी टेबुल हुनेमा आशंका गरिएको छ । सरकारको नेतृत्वकर्ता दल नेपाली कांग्रेसले एमसीसी शुक्रवार (आज) टेबुल गर्ने जनाए पनि सहयात्री दलले सहमति जनाईसकेका छैनन् ।
सहमतिको प्रयासका लागि बिहान ९ बजे गठबन्धनका शीर्ष नेताहरुको बैठक बस्दै छ । (बिहिवार) हिजो बसेको गठबन्धनको बैठक निष्कर्ष विहीन भएको थियो ।
