काठमाडौ। पछिल्लो २४ घण्टामा देशभर थप ४३७ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ५ हजार १३३ जनाको पीसीआर परीक्षणमा २७५ जना र ३ हजार ९५८ जनाको एन्टिजेन परीक्षणमा १६२ जना गरी ४३७ जनामा संक्रमण पुष्टि भएको हो ।
पछिल्लो २४ घण्टामा कोरोना संक्रमणमुक्त हुनेको संख्या २ हजार ४५४ रहेको छ भने कोरोना संक्रमणबाट २ जनाको मृत्यु भएको छ ।
यससँगै नेपालमा कोरोना संक्रमितको कुल संख्या ११ लाख १३ हजार ५४४ पुगेको मन्त्रालयले जनाएको छ ।
