काठमाडौं । पछिल्लो २४ घण्टामा देशभर थप ३८८ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ५ हजार २२५ पीसीआर परीक्षण गर्दा २४७ र २ हजार ९१५ एन्टिजेन परीक्षण गर्दा १४१ जना गरी ३८८ जनामा संक्रमण पुष्टि भएको हो ।
पछिल्लो २४ घण्टामा १ हजार २०५ जना संक्रमणमुक्त भएका छन् भने कोरोना संक्रमणका कारण ४ जनाको मृत्यु भएको छ ।
देशभर सक्रिय संक्रमितको संख्या ११ हजार २८२ रहेको मन्त्रालयले जनाएको छ ।
