काठमाडौँ । नेपालमा पछिल्लो २४ घण्टामा थप १८० जनामा कोरोना संक्रमण पुष्टि भएको छ।
स्वास्थ्य मन्त्रालयका अनुसार गत २४ घन्टामा कोरोना संक्रमणबाट १ जनाको मृत्यु भएको छ।
यससँगै हालसम्म कोरोना संक्रमणबाट मृत्यु हुनेको संख्या ११ हजार ९३६ पुगेको छ।
सोमबार ४०० जना कोरोना संक्रमणमुक्त भएको स्वास्थ्य मन्त्रालयले जनाएको छ।
हाल देशभर ८ हजार २३५ जना सक्रिय संक्रमित रहेका छन्।
गत २४ घन्टामा ५ हजार २१८ पीसीआर तथा ३ हजार १२३ एन्टिजेन परीक्षण भएको छ।
