काठमाडौं । पछिल्लो २४ घण्टामा देशभर थप १२६ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ७ हजार ९१ जनाको पीसीआर परीक्षणमा १११ जना र १ हजार ८४२ जनाको एन्टीजेन परीक्षणमा १५ जना गरी १२६ जनामा संक्रमण पुष्टि भएको हो ।
पछिल्लो २४ घण्टामा ३८५ जना कोरोना संक्रमणमुक्त भएका छन् भने हाल ७ हजार २४२ जना संक्रिय संक्रमित रहेका छन् ।
पछिल्लो २४ घण्टामा काठमाडौँ उपत्यकामा ३५ जना कोरोना संक्रमित थपिएका छन्।
मन्त्रालयका अनुसार गत २४ घण्टामा कोरोना संक्रमणबाट १ जनाको मृत्यु भएको छ भने हालसम्म कोरोना संक्रमणबाट मृत्यु हुनेको संख्या ११ हजार ९४५ पुगेको छ।
