काठमाडौं । पछिल्लो २४ घण्टामा देशभर थप ६५ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ६ हजार ३०६ पीसीआर परीक्षणमा ५९ जना र १ हजार ६४१ एन्टीजेन परीक्षणमा ६ जना गरी जम्मा ६५ जनामा संक्रमण पुष्टि भएको हो ।
मन्त्रालयका अनुसार पछिल्लो २४ घण्टामा कोरोनाबाट कसैको पनि मृत्यु भएको छैन भने हालसम्म कोरोनाबाट ११ हजार ९५० जनाले ज्यान गुमाएका छन्।
यससँगै पछिल्लो २४ घण्टामा १९२ जना कोरोना संक्रमणमुक्त भएका छन् भने हाल देशभर ४ हजार ९१७ जना सक्रिय संक्रमित रहेका छन्।
