काठमाडौं । पछिल्लो २४ घण्टामा देशभर थप १८ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार २ हजार ८२२ जनाको पीसीआर परीक्षणमा १२ जना र १ हजार ५२० जनाको एन्टीजेन परीक्षणमा ६ जनामा सङ्क्रमण पुष्टि भएको हो ।
पछिल्लो २४ घण्टामा २ सय ७१ जना सङ्क्रमण मुक्त भएका छन् भने सङ्क्रमण मुक्त हुनेको दर ९८.६ प्रतिशत रहेको मन्त्रालयले जनाएको छ ।
मन्त्रालयका अनुसार २४ घण्टामा सङ्क्रमणबाट कसैको पनि मृत्यु भएको छैन भने हालसम्म नेपालमा कोरोनाबाट मृत्यु हुनेको सङ्ख्या ११ हजार ९५१ पुगेको छ ।
त्यसैगरी नेपालमा हाल १ हजार ९६० जना सक्रिय सङ्क्रमित रहेका मन्त्रालयले जनाएको छ ।
