काठमाडौं । नेपालमा पछिल्लो २४ घण्टामा थप १,८३१ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ५५३५ पीसीआर परीक्षणमा १२३७ जना र ३६८३ एन्टिजेन परीक्षणमा ५९४ गरी १,८३१ जनामा संक्रमण पुष्टि भएको हो ।
त्यस्तै सोही समयमा संक्रमणमुक्त हुनेको संख्या १,५३३ रहेको छ भने २० जनाले मृत्युवरण गरेका छन् ।
पछिल्लो २४ घण्टामा काठमाडौं उपत्यकामा ३९१ जना संक्रमित भेटिएका छन् । जसमध्ये काठमाडौं जिल्लामा २६३, भक्तपुरमा ३१ र ललितपुरमा ९७ जना भेटिएका छन् ।
