काठमाडौं । पछिल्लो २४ घण्टामा देशभर थप १ हजार ५५८ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १२ हजार ३८५ वटा नमुनाको परीक्षण गर्दा १ हजार ५५८ जनामा संक्रमण पुष्टि भएको हो ।
पछिल्लो २४ घण्टामा १ हजार ३५१ जना संक्रमणमुक्त भएका छन् भने २५ हजार ४९७ सक्रिय संक्रमित छन् ।
यसैगरी विगत २४ घण्टामा १० जनाको मृत्यु भएको छ । योसँगै नेपालमा कोभिड संक्रमणका कारण मृत्यु हुनेको संख्या ११ हजार १२ पुगेको मन्त्रालयले जनाएको छ ।
