काठमाडौं । पछिल्लो २४ घण्टामा देशभर ९५३ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ७ हजार ५० पीसीआर परीक्षणमा ७९० र ३ हजार ५२९ एन्टिजेन परीक्षणमा १६३ जना गरी कुल ९५३ जनामा संक्रमण पुष्टि भएको हो ।
पछिल्लो २४ घण्टामा १ हजार ३७१ जना संक्रमणमुक्त भएका छन् भने ६ जनाको मृत्यु भएको छ ।
नेपालमा कोरोना भाइरसका कारण हालसम्म मृत्यु हुनेको संख्या ११ हजार ८७ पुगेको छ ।
यसैगरी पछिल्लो २४ घण्टामा काठमाडौंमा १९८ जना, ललितपुरमा ७३ जना र भक्तपुरमा ४० जना संक्रमित भेटिएका छन् ।
