काठमाडौं । पछिल्लो २४ घण्टामा देशभर ७६४ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार १० हजार ६८८ नमुनाको परीक्षणमा ७६४ जनामा संक्रमण पुष्टि भएको हो ।
यसैगरी पछिल्लो २४ घण्टामा १० जनाको मृत्यु भएको छ भने हालसम्म नेपालमा कोभिड संक्रमणका कारण मृत्यु हुनेको संख्या ११ हजार २१० पुगेको छ ।
आजमात्र १ हजार ३३ जना संक्रमणमुक्त भएका छन् भने सक्रिय संक्रमितको संख्या १५ हजार ६१४ रहेको मन्त्रालयले जनाएको छ ।
