काठमाडौं । पछिल्लो २४ घण्टामा देशभर ६६६ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ९ हजार ७ सय ७१ जनाको पीसीआर परीक्षणमा ५६९ जना र २ हजार २ सय ४९ जनाको एन्टिजेन परीक्षणमा ९७ जना गरी ६६६ जनामा कोरोना भाइरसको संक्रमण देखिएको छ ।
यसैगरी पछिल्लो २४ घण्टामा कोरोना संक्रमणबाट ११ जनाको मृत्यु भएको छ भने ६२२ जना निको भएका छन् ।
योसँगै नेपालमा कोरोना संक्रमणबाट मृत्यु हुनेको संख्या ११ हजार ३७२ पुगेको छ भने ७ लाख ८८ हजार ६३० जना संक्रमणमुक्त भएका छन् ।
मन्त्रालयका अनुसार सबैभन्दा धेरै काठमाडौंमा १७७, ललितपुरमा ३३ जना र भक्तपुरमा २५ जनामा कोरोना संक्रमण देखिएको छ ।
