काठमाडौँ । चीनबाट थप १० लाख २० हजार डोज भेरोसेल खोप आज नेपाल आइपुगेको छ ।
सरकारले कोभ्याक्ससँगको कष्ट सेयरिङ योजना अन्तर्गत खरिद गर्ने भनेको ५९ लाख ३६ हजार ४ सय डोज भेरोसेल मध्येबाट पहिलो लटमा १० लाख २० हजार डोज खोप आज नेपाल आइपुगेको हो। प्राप्त खोप टेकुस्थित भण्डारणमा राखिने बताइएको छ।
यसअघि पनि चीनबाट नेपाल सरकारले अनुदान सहयोग र खरिद गरेर कुल एक करोड २० लाख डोज भेरोसेल खोप प्राप्त गरिसकेको छ ।
हालसम्म नेपालले कुल १ करोड ५३ लाख ४२ हजार एक सय ९८ डोज खोप लगाइसकेको छ । यस्तै हालसम्म नेपालले कुल १ करोड ८९ लाख ५९ हजार तीन सय ३० डोज खोप प्राप्त गरेको छ ।
