काठमाडौँ । सरकारले राजदूतमा सिफारिस गरेका तीन जनाको संसदीय सुनुवाइ प्रक्रिया सुरु भएको छ ।
भारतको राजदूतमा शंकरप्रसाद शर्मा बेलायतको राजदूतमा ज्ञानचन्द्र आचार्य र अमेरिकाको राजदूतमा श्रीधर खत्रीलाई पठाउन मन्त्रिपरिषदबाट सिफारिस भएको थियो ।
सङ्घीय संसद् सचिवालयले आज (बुधबार) सूचना निकालेर राजदूत पदमा नियुक्तिका लागि सिफारिस भएकाहरूविरूद्ध उजुरी भए दिनका लागि आह्वानसमेत गरेको छ ।
राजदूतमा पदमा उनीहरूलाई नियुक्त गर्न उपयुक्त छैन भन्ने लागेमा स्पष्ट आधार र प्रमाणसहित कात्तिक २६ गतेभित्र संसदीय सुनुवाइ समितिको कार्यालयमा उजुरी दिनसमेत भनिएको छ ।
प्रस्तावित राजदूतहरूविरूद्ध उजुरी आएपछि त्यो अध्ययन गरेर संसदीय सुनुवाइ समितिले अनुमोदन गर्ने वा नगर्ने निर्णय गर्ने गर्छ ।
