काठमाडौं । काठमाडौंमा आजको न्यूनतम तापक्रम ८.२ डिग्री सेल्सियस रहेको छ । बिहान ६ बजे काठमाडौंको तापक्रम ८.२ डिग्री सेल्सियस मापन गरिएको हो ।
यसअघि हिजो सोही समयमा काठमाडौंको तापक्रम ८.० डिग्री सेल्सियस रहेको थियो ।
आज गण्डकी प्रदेश र प्रदेशक एकका हिमाली भू–भागमा हिमपातको सम्भावना रहेको मौसमविद् निराजन सापकोटाले जानकारी दिए । आज राति प्रदेश १ र गण्डकीका हिमाली भेकमा हल्का हिमपात हुने उनको भनाइ छ ।
तत्काल वर्षाको सम्भावना भने नरहेको मौसमविद् सापकोटा बताउँछन् । आज घाम लाग्ने र बादल लाग्ने क्रम चलिरहने उनले बताए ।
आज प्रदेश–१ का पहाडी भू–भागहरुमा आंशिकदेखि सामान्य वदली र अन्य प्रदेशका पहाडी भू–भागहरुमा आंशिक बदली रही वाँकी भू–भागहरुमा मौसम सामान्यतया सफा रहने छ ।-बार्हखरी
