काठमाडौं । पछिल्लो २४ घण्टामा देशभर थप ३०८ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ७ हजार १ सय ४ जनाको पीसीआर परीक्षणमा २८१ जना र १ हजार ८ सय ५ जनाको एन्टिजेन परीक्षणमा २७ जना गरी ३०८ जनामा कोरोना भाइरसको संक्रमण देखिएको छ ।
यसैगरी पछिल्लो २४ घण्टामा कोरोना संक्रमणबाट ३ जनाको मृत्यु भएको छ भने २९८ जना निको भएका छन् ।
यससँगै नेपालमा कोरोना संक्रमितको कुल संख्या ९ लाख १५ हजार ७०९ पुगेको छ भने मृत्यु हुनेको संख्या ११ हजार ५१६ पुगेको मन्त्रालयले जनाएको छ ।
