काठमाडौं । पछिल्लो २४ घण्टामा देशभर ३१६ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार १२ हजार ७२७ वटा नमुनाको परीक्षण गर्दा ३१६ जनामा संक्रमण पुष्टि भएको हो ।
यसैगरी पछिल्लो २४ घण्टामा ३ जनाको मृत्यु भएको छ भने नेपालमा कोभिड संक्रमणका कारण मृत्यु हुनेको संख्या ११ हजार ५२६ पुगेको छ ।
आज २५९ जना संक्रमणमुक्त भएका छन् भने नेपालमा सक्रिय संक्रमितको कुल संख्या ६ हजार ९५४ पुगेको मन्त्रालयले जनाएको छ ।
