काठमाडौं । पछिल्लो २४ घण्टामा देशभर थप ३१५ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ९ हजार ५ सय ११ जनाको पीसीआर परीक्षणमा २९८ जना र १ हजार ८ सय ९२ जनाको एन्टिजेन परीक्षणमा १७ जना गरी ३१५ जनामा कोरोना भाइरसको संक्रमण देखिएको हो ।
यसैगरी पछिल्लो २४ घण्टामा कोरोना संक्रमणबाट ६ जनाको मृत्यु भएको छ भने २०१ जना निको भएका छन् ।
मन्त्रालयका अनुसार हाल देशभर सक्रिय संक्रमितको संख्या ७ हजार ४५ जना रहेका छन् ।
