काठमाडौँ । पछिल्लो २४ घण्टामा देशभर थप २४६ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ७ हजार ८३६ नमुना परीक्षणमा सो संख्यामा संक्रमण पुष्टि भएको हो ।
यसैगरी पछिल्लो २४ घण्टामा ३४७ जना कोरोना संक्रमणमुक्त भएका छन् भने हालसम्म ८ लाख ३ हजार ७१६ जना निको भएका छन् ।
मन्त्रालयका अनुसार हालसम्म कोरोना संक्रमितको कुल संख्या पीसीआर विधिबाट भएको परीक्षणमा ८ लाख २२ हजार १७२ र एन्टिजेन विधिबाट भएको परीक्षणमा ९५ हजार ५६९ जना पुगेको छ।
पछिल्लो २४ घण्टामा नेपालमा मृतकको संख्या भने शून्य रहेको छ ।
