काठमाडौं । पछिल्लो २४ घण्टामा देशभर थप ३४१ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयलका अनुसार १० हजार ४१६ जनाको पीसीआर परीक्षणमा ३१३ जना र २ हजार ८ सय २० जनाको एन्टीजेन परीक्षणमा २८ जना गरी ३४१ जनामा कोरोना संक्रमण पुष्टि भएको छ ।
यसैगरी पछिल्लो २४ घण्टामा ३ जनाको मृत्यु भएको छ भने ३७६ जना संक्रमणमुक्त भएका छन् ।
यससँगै नेपालमा कोरोना संक्रमितको कुल संख्या ९ लाख २० हजार ३४५ पुगेको छ भने मृत्यु हुनेको संख्या ११ हजार ५५७ पुगेको छ ।
मन्त्रालयका अनुसार हाल देशभर सक्रिय संक्रमितको संख्या ५ हजार ८२४ जना रहेका छन् । जसमध्ये ५ हजार ५०८ जना होम आइसोलेसनमा र ३१६ जना संस्थागत आइसोलेसनमा रहेका छन् ।
