झापा । झापामा प्रदेश नं १ स्तरीय पुरुष भलिबल प्रतियोगिता सोमवारदेखि सुरु भएको छ ।
झापा गाउँपालिकाको आयोजनामा भएको दोस्रो अध्यक्ष कपमा दमक नगरपालिका, षडानन्द नगरपालिका र झापा गाउँपालिका विजयी भएका छन् ।
दमक नगरपालिका–६ स्थित जनता माध्यमिक विद्यालयको खेल मैदानमा भएको खेलमा भोजपुरको षडानन्दले झापाको कनकाई नगरपालिकालाई ३–१ सेटमा पराजित गरेको हो ।
यस्तै झापा गाउँपालिकाले बाह्रदशीलाई ३–१ सेटले हराएको हो ।
प्रतियोगिताको विजेताले एक लाख ५१ हजार तथा उपविजेताले एक लाख पुरस्कार प्राप्त गर्नेछन् ।
उक्त प्रतियोगितामा विभिन्न जिल्लाका १६ टोली सहभागी रहेको आयोजकले जनाएको छ ।
