विराटनगर । प्रदेश १ बाट अल्पसंख्यक कोटामा राष्ट्रियसभा सदस्यमा एमालेका उम्मेदवार सोनाम ग्याल्जेन शेर्पा विजयी भएका छन् ।
उनले गठबन्धनका उमेदवार हेमराज राईलाई पराजित गरे ।
शेर्पाले स्थानीयतर्फ १ सय ५२ मत र प्रदेशतर्फ ४२ मत प्राप्त गरेका छन् । क्षेत्रीय निर्वाचन कार्यालयकाअनुसार शेर्पाले ४ हजार ७ सय ५२ मतभार प्राप्त गरे ।
गठबन्धनका राईले ४ हजार ३ सय ६८ मतभार प्राप्त गरे ।
खुलातर्फ भने एमालेका गुरु बराल र गठबन्धनका गोपाल बस्नेतको बराबर मत भएको छ । दुवैले ४ हजार ४८८ मतभार प्राप्त गरेका छन ।
