काठमाडौं । मोरिससविरुद्धको मैत्रीपूर्ण खेलमा नेपाली टोली मैदानमा उत्रिएको छ ।
आजको खेलमा फरवार्ड विमल घर्तीमगर पुनः पहिलो रोजाइमा खेल्ने भएका छन् ।
मुख्य प्रशिक्षक अब्दुल्लाह अल्मुताइरीले घोषणा गरेको नेपाली टिममा फरवार्डमा सुनील बल, विमल घर्तीमगर र अजन विष्ट छन् । मिडफिल्डमा सुरजज्यू ठकुरी, तेज तामाङ सुमन लामा छन् ।
त्यस्तै रक्षापंक्तिमा सुमन अर्याल, देवेन्द्र तामाङ, दिनेश राजवंशी र गौतम श्रेष्ठ छन् । गोलकिपरमा किरणकुमार लिम्बु छन् ।
नेपाल र मोरिससविरुद्धको पहिलो मैत्रीपूर्ण खेल शनिबार दशरथ रंगशालामा हुँदैछ ।
