काठमाडौं । राष्ट्रिय निजी तथा आवासीय विद्यालय एसोसिएसन (नेशनल प्याब्सन) को सचिवमा काठमाडौं निवासी विष्णु पराजुलीले उम्मेदवारी घोषणा गरेका छन् ।
बाँकेको नेपालगञ्जमा फागुन २२ र २३ गते हुने राष्ट्रिय महाधिवेशनका लागि उनले सचिवमा उम्मेदवारी सार्वजनिक गरेका हुन् ।
निजी विद्यालयको हकहितका क्षेत्रमा काम गर्ने उद्देश्यसहित उम्मेदवारी सार्वजनिक गरेको पराजुलीले बताए ।
काठमाडौं महानगरपालिका वडा नं ६ मा संचालित प्रोग्रेसिभ अंग्रेजी स्कुलका प्रिन्सिपल पराजुली नेशनल प्याब्सन काठमाडौं जिल्ला समिति सदस्य, सचिवालय सदस्य, सहसचिव, सचिव र अध्यक्ष भएर यसअघि काम गरिसकेका छन् ।
२०७३ देखि २०७६ सम्म काठमाडौं जिल्लाको अध्यक्ष भएर काम गरेका उनी बर्तमान कार्यसमितिमा प्रमुख सल्लाहकारको भूमिकामा छन् ।
