काठमाडौं । नेकपा एमाले काठमाडौं वडा नं ३१ अध्यक्षमा यामलाल गौतम चयन भएका छन् ।
आज सम्पन्न वडा कमिटीको छैठौँ सचिवालय बैठकले गौतमलाई अध्यक्षमा चयन गरेको हो । उनी यस अघि उपाध्यक्ष थिए ।
वडा कमिटीकी निवर्तमान अध्यक्ष हुमा आचार्य जिल्ला कमिटी सदस्यमा निर्वाचित भएपछि सो पद खाली रहेको थियो ।
एमाले केन्द्रीय कमिटी सदस्य एवं काठमाडौं जिल्ला सह- इञ्चार्ज रूप नारायण श्रेष्ठ, वाग्मती प्रदेश कमिटी सदस्य एवं वाग्मती प्रदेशसभा सदस्य गणेश दुलाल, वाग्मती प्रदेश कमिटी सदस्य एवं कामपा-३१ का वडा अध्यक्ष नारायण भण्डारी, काठमाडौं जिल्ला कमिटी सचिव एवं वाग्मती प्रदेशसभा सदस्य राजेश शाक्य, काठमाडौं जिल्ला कमिटी सचिवालय सदस्य एवं काठमाडौं क्षेत्र नम्बर १ संयोजक धन बहादुर अछामी, काठमाडौं महानगर कमिटी सदस्य एवं कामपा-३१ इन्चार्ज रमेश सत्याल लगायतको उपस्थितिमा हुमा आचार्यलाई विदाई गर्दै गौतमलाई जिम्मेवारी प्रदान गरेको हो ।
