काठमाडौं। स्थानीय तह निर्वाचनअन्तर्गत मतदान सकिएसँगै काठमाडौं उपत्यकामा आज साँझ ८ बजेपछि सार्वजनिकसहित सबै किसिमका सवारीसाधन सञ्चालन गर्न दिइने भएको छ ।
मतदानको निर्धारित समय सकिए पनि अझै मतदाताहरू लाइनमा भएकाले साँझ ८ बजेपछि मात्रै निर्बाध रूपमा सवारीसाधन सञ्चालन गर्न दिइने महानगरीय ट्राफिक प्रहरी महाशाखाले जनाएको छ ।
निर्वाचन आयोगले बिहान ७ देखि बेलुका ५ बजेसम्म मतदानको समय निर्धारण गरेको थियो ।
मतदानका लागि आज बिहान ६ बजेदेखि सबै किसिमका सवारी सञ्चालनमा रोक लगाइएको थियो ।
यस समयावधिमा ट्राफिक प्रहरीले अनधिकृत रुपमा सञ्चालन भएका सवारी ‘होल्ड’ गरेको छ ।
