काठमाडौँ । प्रतिनिधि सभाको बैठकमा आजबाट बजेटमाथि सैद्धान्तिक छलफल सुरु हुँदै छ । बिहान ११ बजे बस्ने बैठकमा बजेटमाथि सैद्धान्तिक छलफल सुरु हुने छ ।
अर्थमन्त्री जनार्दन शर्माले जेठ १५ गते संघीय संसदमा बजेट प्रस्तुत गरेका थिए ।
उक्त बजेटमा छलफल गर्न र सो क्रममा उठेका प्रश्नको मन्त्रीले जवाफ दिनका लागि सभामुख अग्नि सापकोटाले जेठ १७, १८ र १९ गतेको दिन तोकेका छन् ।
प्रमूख प्रतिपक्षी पार्टी नेकपा एमालेले चुनावकेन्द्रित बजेटमार्फत जनता झुक्याउन खोजिएको भन्दै आपत्ति जनाईसकेको छ । सदनमा तथ्यगत र तार्किक ढंगले प्रस्तुत हुँदै भण्डाफोर गर्ने पनि बताइएको छ ।
