मंसिर १६, काठमाडौं ।
नेपाल उद्योग वाणिज्य महासङ्घका नवनिर्वाचित पदाधिकारीले सोमवार पदभार ग्रहण गरेका छन् ।
आइतबार पद तथा गोपनीयताको शपथ लिएका अध्यक्ष शेखर गोल्छा, वरिष्ठ उपाध्यक्ष चन्द्रप्रसाद ढकाल लगायतले सोमवार पदभार ग्रहण गरेका हुन् ।
महासङ्घका अनुसार, सोमवारै बसेको केन्द्रीय कार्यकारिणी समितिले मतदान प्रक्रियाबाट कोषाध्यक्षसमेत चयन गरेको छ । महासङ्घको कोषाध्यक्षमा सकुन्तलाल हिराचन निर्वाचित भएका छन् । कार्यकारिणी समितिमा भएको मतदानमा शिराचनले ४० मत प्राप्त गर्दा उनका प्रतिस्पर्धी डिबी बस्नेतले ३१ मत प्राप्त गरे ।
शनिबार सम्पन्न महासङ्घको निर्वाचनमा हिराचन वस्तुगत सङ्घबाट र बस्नेत जिल्ला नगरबाट कार्यकारिणी सदस्यमा निर्वाचित भएका थिए । महासङ्घले आइतबार नै विशिष्ट सदस्यमा पूर्वअध्यक्ष पशुपति मुरारकालाई चयन गरिसकेको छ ।
