काठमाडौं । त्रिभुवन विश्वविद्यालय सेवा आयोगले विभिन्न पदका लागि लिइएको परीक्षाको परीक्षाफल सार्वजनिक गरेको छ ।
आयोगले प्रकाशित गरेको नतिजा अनुसार नासु भन्दा माथिका अधिकृत प्रशासन र लेखा, उप प्रशासक, उपनियन्त्रक सबै फेल भएका छन् ।
उत्तरपुस्तिका परिक्षण गर्दा स्टयाण्डर्ड डिकोडिंग गरेर परिक्षण गरिएको भन्दै अधिकृत र सो भन्दा माथिका सबै परीक्षार्थीलाई फेल गराइएको हो ।
आयोगले २०७६ मंसिर १५ मा कार्यालय सहायक देखि उप प्रशासक सम्मका कर्मचारी माग गरेको थियो । जसको अन्तिम परीक्षा २०७८ मंसिर १६ सम्म संचालन भएको थियो ।
आयोगले आवश्यकता भन्दा बढी भद्धा परिक्षण शैली अपनाउनाले कर्मचारी अभाव भएर अस्तव्यस्त बन्दै गएको त्रिभुवन विश्वविद्यालयलाई पुनः अर्को आपत्ति आइलागेको छ ।
विश्वविद्यालयले माग गरेका कर्मचारी समयमै विज्ञापन गरि सेवालाई सुचारु गर्न सहयोग गर्नु पर्ने निकाय नै बेकम्मा बनेको देखिएको छ ।
'विज्ञापन र परीक्षा संचालन गर्दा गरिएको लाखौँको लगानी, श्रम र समय त्यत्तिकै बरबाद भएको छ', नाम नबताउने शर्तमा आक्रोशित हुँदै विश्वविद्यालयका एक प्राध्यापकले बताए ।
सेवा आयोगका हालका अध्यक्ष डा लालु प्रसाद पौडेलले भद्धा शैली अपनाउनाले परीक्षार्थीका साथै विश्वविद्यालयलाई समेत नराम्रो झड्का दिन पुगेका सरोकारवालाको भनाई छ । उनको यस पद्धतिका विरुद्धमा परिक्षार्थीले पुनः अदालत गुहार्ने बताएका छन् ।
यस अघिका अध्यक्ष चैतन्य शर्माले उत्तरपुस्तिकामै अंक मिलाउने गरि भएको परीक्षणको घटना पनि अदालतमै विचाराधिन छ ।
लिखित परीक्षामा पास भएकाहरुलाई अन्तरवार्ताको मिती समेत निश्चित गरिएको छैन ।
आयोग अध्यक्ष डा. पौडेल पदावधी सकिएर आगामी श्रावण १८ गते सेवाबाट बाहिरिँदै छन् ।
