काठमाडौं । यतिबेला शहरको फोहोर व्यवस्थापन राज्यको टाउको दुखाई बनेको छ । त्यसमा पनि कामनपामा फोहोरमैला व्यवस्थापन झन जटिल बन्दै गएको छ । यसको व्यवस्थापनको लागि राज्यले बर्षेनी करोडौं रुपैयाँ खर्च गर्दै आएको छ ।
काठमाडौं महानगरपालिकाले धोबीखोलामा फोहोर फाल्नेलाई कडा कारवाही गरेको छ ।
महानगरपालिकाले धोबीखोलामा फोहोर फालिरहेको भिडियो र फोटोको चर्चा भइरहेको अवस्थामा सो सामग्रीको छानविन गरि उक्त कार्यमा सम्लग्न कम्पनीलाई नियम अनुसार रु. २५,००० (पच्चिस हजार रुपैयाँ) हजार रुपैयाँ जरिवाना तिराएको हो ।
आगामी दिनहरुमा यस्ता कार्य नदोहोर्याउन र गरेको देखेमा यसरी नै सार्वजनिक गरी ध्यानाकर्षणमा ल्याइदिन पनि महानगरले अपिल गरेको छ ।
