पौष २४, काठमाडौ ।
पछिल्लो २४ घण्टामा थप ५५४ जनामा कोरोना भाइरस संक्रमण पुष्टि भएको छ ।
देशभरका प्रयोगशालामा ५ हजार २६९ नमुना परीक्षण गर्दा १८८ महिला र ३६६ पुरुषमा संक्रमण पुष्टि भएको हो ।
यससँगै कुल संक्रमितको संख्या २ लाख ६४ हजार १५९ पुगेको छ ।
संक्रमितमध्ये २ लाख ५७ हजार २२९ जना संक्रमणमुक्त भएका छन् भने १ हजार ९०९ जनाको मृत्यु भएको छ ।
हाल देशभर ५ हजार २१ संक्रिय संक्रमित छन् । जसमध्ये १ हजार ५६१ जनाको होम आइसोलेसनमा छन् भने १८२ जनाको आईसीयू र ३७ जनाको भेन्टिलेटरमा उपचार भइरहेको स्वास्थ्य तथा जनसंख्या मन्त्रालयले जनाएको छ ।
