काठमाडौं । युक्रेनका राष्ट्रपति भ्लोदोमिर जेलेन्स्कीले युक्रेन सेनाले पछिल्लो समयमा प्राप्त गरेको सफलताको प्रतिशोध स्वरूप रुसले युक्रेन जनतालाई विद्युत् पानी लगायतका आधारभूत आवश्यकताहरूबाट वञ्चित गरेको आरोप लगाउनु भएको छ ।
युक्रेनको पूर्वी क्षेत्रहरू दोनेस्क र लुहानस्कमा बिजुली र पानीको अभावले ९० लाख युक्रेन जनता प्रभावित भएका अन्तर्राष्ट्रिय सञ्चार माध्यम बिबिसीले जनाएको छ ।
रुसले विद्युत् प्रसारण, पानी वितरण , सडक जस्ता पूर्वाधरहरुलाई निसाना बनाएर आक्रमण गरेको युक्रेनको दाबी छ ।
यसैबीच युक्रेनले रुसको कब्जामा रहेको आफ्नो ३ हजार वर्ग किलोमिटर भूमि फिर्ता लिएको बताएको छ । एजेन्सी ।
