काठमाडौं । रियल मड्रिडका फ्रान्सेली फुटबलर करिम बेन्जिमाले पहिलो पटक बालोन डि’ओर अवार्ड जितेका छन् ।
गत सिजन रियललाई च्याम्पियन्स लिग र ला लिगाको उपाधि दिलाएका भेट्रान खेलाडी बेन्जिमाले ४४ खेलमा ४६ गोल गरेका थिए । उनी २००९ देखि रियल मड्रिडसँग आबद्ध छन् ।
यो पटक बालोन डि’ओरका लागि शीर्ष तीनमा परेका मध्ये बार्यन म्युनिखका साडियो माने दोस्रो र म्यानचेष्टर सिटीका केभिन डिब्रुयेन तेस्रो स्थानमा रहे ।
यो अवार्ड पछिल्लो १३ सिजनमा लिओनल मेस्सीले ७ र क्रिष्टियानो रोनाल्डोले ५ पटक जितेका छन् ।
फ्रान्सको इतिहासमा जिनेदान जिदानपछि यो अवार्ड पाउने उनी अर्को फुटबलरका रुपमा दर्ज भएका छन् । जिदानले सन् १९९८ मा यो अवार्ड पाएका थिए ।
