काठमाडौं । काठमाडौंका सुकुम्बासीले ६ महिनाभित्र बस्ती छोड्नुपर्ने भएको छ । बुधवार सिंहदरवारमा बसेको संसदीय समितिको बैठकले सुकुम्बासी हटाउन सरकारलाई निर्देशन दिएको छ ।
आज बसेको प्रतिनिधिसभाको विकास तथा पूर्वाधार समितिले बागमती नदी र यसका सहायक नदीहरुको जलाधार क्षेत्रमा रहेका सुकुम्बासी बस्ती खाली गराउन निर्देशन दिएको हो।
यसैगरी, सुकुम्बासी बस्तीहरुको ६ महिनाभित्र व्यवस्थापन गरेर खाली गराउन सहरी विकास मन्त्रालयलाई निर्देशन दिने निर्णय भएको छ ।
