काठमाडौँ । नेपाली कांग्रेसको केन्द्रीय समिति बैठक शुक्रबार पनि बस्दै छ। बैठक आज बिहान ११ बजेदेखि पार्टी केन्द्रीय कार्यालय सानेपामा बस्न लागेको हो।
करिब १ वर्षपछि बसेको कांग्रेसको बैठकमा नेताहरूले निरन्तर आफ्नो धारणा राख्नेक्रम जारी छ।
बैठकमा महामन्त्री द्वय : गगन थापा र विश्वप्रकाश शर्माले १० वटा एजेन्डा र वार्षिक कार्यतालिकासहित प्रतिवेदन पेस गरेका थिए।
मंगलबार पहिलो बैठकमा प्रस्तुत भएका एजेन्डा र प्रतिवेदनमाथि केन्द्रीय सदस्यहरुले बुधबारदेखि धारणा राख्न सुरु गरेका हुन्।
बुधबारको बैठकमा ४६ जना केन्द्रीय सदस्यहरुले आफ्नो धारणा राखेका थिए। बिहीबारको बैठकमा ३५ जना केन्द्रीय सदस्यले धारणा राखेका थिए।
