काठमाडौँ । नेपाल क्रिकेट सङ्घ (क्यान) को अध्यक्ष पदमा चतुरबहादुर चन्द निर्विरोध निर्वाचित हुनुभएको छ ।
क्यानको आज भएको निर्वाचनमा चन्द पुनःअध्यक्ष पदमा निर्वाचित हुनुभएको हो । सङ्घको उपाध्यक्षमा रोशन सिंह र कोषाध्यक्षमा कर्णाली प्रदेश क्रिकेट सङ्घका अध्यक्ष पद्म खड्का निर्विरोध निर्वाचित हुनुभयो ।
महिला सदस्यमा जयन्ती भट्र्ट निर्विरोध निर्वाचित हुनुभयो । सदस्य पदमा लुम्बिनी प्रदेशबाट प्रदीप मजगैँया र कर्णालीका श्रीधर केसी पनि सर्वसम्मत चयन हुनुभयो ।
त्यस्तै पाँच प्रदेशबाट चयन हुने एक/एक जना सदस्यका लागि कूल १० जनाको उम्मेदवारी परेको छ । खुलातर्फका पाँच जनाका लागि १३ जनाको उम्मेदवारी परेको छ । क्यानको निर्वाचनमा ८५ जनाले मतदान अधिकार पाएका छन् ।
त्यस्तै, पारस खड्का सचिवमा निर्वाचित हुनुभएको छ ।
खड्काले प्रशान्त बिक्रम मल्ललाई पराजति गर्दै क्यानको सचिवमा निर्वाचित हुनुभएको हो । खड्काले ४८ मत प्राप्त गर्नुभयो ।
