काठमाडौँ । बुधबार (आज) पनि दसैँको टीका र जमरा लगाइँदै छ। मङ्गलवारको शुभ साइतमा टीका थाप्न नपाएकाहरू आज पनि आफन्त कहाँ आसिर्वाद लिन जाने गरेका छन् । टीका लगाउनेक्रम कोजाग्रत पूर्णिमा (शनिबार) को दिनसम्म रहन्छ।
कतिपय ठाउँमा भने विजया दशमीको दिन टीकाजमरा लगाएपछि दसैं सक्ने प्रचलन पनि रहेको छ।
विजयादशमीको भोलिपल्ट पर्ने पापाङ्कुशा एकादशीका दिन व्रत बस्नाले र भगवान् विष्णुको उपाशना गर्नाले मोक्ष प्राप्ति हुने विश्वास छ।
आजका दिन काठमाडौँको बूढानीलकण्ठ भक्तपुरको चाँगुनारायण आदि भगवान विष्णुका मन्दिरहरूमा दर्शनार्थीको भीड लाग्ने गर्दछ ।
