काठमाडौँ । सत्तारुढ गठबन्धनको बैठक आज बस्दै छ । बैठक बिहान ८ बजे प्रधानमन्त्री निवास बालुवाटारमा बस्नेछ ।
बैठकमा गठबन्धन दलका शीर्ष नेताहरूको सहभागिता रहने छ । सत्तारुढ गठबन्धनमा रहेका दलहरूका बीचमा छलफलका लागि बैठक बोलाइएको प्रधानमन्त्री तथा मन्त्रिपरिषद्को कार्यालयले जनाएको छ ।
बैठकमा मन्त्री हेरफेर र राष्ट्रिय सभा अध्यक्षको विषयमा छलफल हुने जनाइएको छ । राष्ट्रिय सभाको अध्यक्षको निर्वाचन यही फागुन २९ गते हुने कार्यतालिका छ ।
