काठमाडौं। वेस्ट इन्डिज र अमेरिकामा जारी आईसिसी टी-२० विश्वकपको आफ्नो अन्तिम खेलमा नेपालले बंगलादेशसँग २१ रनको हार ब्यहोरेको छ।
केवल एक सय ७ रनको लक्ष्य पाएको नेपालले १९.२ ओभरमा सबै विकेट गुमाएर ८५ रन मात्र जोड्यो।
नेपालका लागि कुशल मल्ल २७, दीपेन्द्रसिंह ऐरी २५ र आसिफ शेखले १७ रन बनाउनु बाहेक अन्य ब्याट्सम्यानले दोहोरो अंक जोड्न सकेनन् ।
बंगलादेशका तान्जिम हसन सकिबले ४ ओभरमा मात्र ७ रन दिएर ४ विकेट लिए ।
यस्तै मुस्तफिजुर रहमानले ४ ओभरमा ७ रन मात्रै दिएर तीन विकेट लिए ।
शकिब अल हसनले २ विकेट लिए ।
यस अघि बंगलादेशले १९.२ ओभरमा सकिब अल हसनको १७ उच्च रनमा १ सय ६ रनमा समेटिएको थियो ।
