दाङ । पूर्व-पश्चिम लोकमार्ग अन्तर्रगत पश्चिम नवलपरासीको दाउन्नेमा अवरुद्ध सडक एकतर्फी सुचारु भएको छ ।
सडक भासिँदा हिजोदेखि अवरुद्ध सडक एकतर्फी रुपमा सुचारु भएको जिल्ला प्रहरी कार्यालय नवलपरासीका प्रहरी उपरीक्षक ज्ञानेन्द्र प्रसाद फुयाँलले जानकारी दिए ।
रातभर दुई वटा डोजर प्रयोग गरेर सडक सुचारु गराइएको हो । दुईतर्फी सडक सुचारु गराउनको लागि पहिरो सोर्ने काम भइरहेको जनाइएको छ ।
बर्दघाट- ४ दाउन्ने जंगलस्थित खुर्सानीखोलामा सडकमाथिको पर्खाल भत्किएर हाइटेन्सन लाइन ढलेको थियो भने ३ मिटर सडक भासिएको थियो । अहिले सवारी साधनको दुवैतर्फ लामो लाइन छ।
पहिले यात्रुवाहक सवारीलाई पहिलो प्राथमिकतामा दिएर गन्तव्यतर्फ पठाउन सुरु भएको प्रहरीले जनाएको छ ।
