काठमाडौं । पूर्वराष्ट्रपति विद्यादेवी भण्डारीले आज शुक्रवार पत्रकार सम्मेलन गर्नुहुने भएको छ ।
भण्डारीले कार्की बैंकिटमा दिउँसो ३ बजे विशेष पत्रकार सम्मेलन आयोजना गर्न लाग्नुभएको हो ।
सक्रिय राजनीतिमा आएको घोषणा गर्नुभएकी भण्डारीलाई उहाँको पार्टी नेकपा एमालेले सदस्यता नै नवीकरण नगरेर रोकेको छ ।
गत मंगलबार सम्पन्न एमाले केन्द्रीय कमिटी बैठकले भण्डारीको पार्टी सदस्यता अमान्य घोषणा गर्दै उहाँलाई पार्टी राजनीतिमा रोक लगाउने निर्णय गरेको छ ।
तत्पश्चात भण्डारीले शुक्रवार गर्ने सम्मेलनलाई अर्थपूर्ण रूपमा लिइएको छ ।
